10 авг 07:36
Новости
Бокс/ММА
UFC on ESPN 72 турнирининг асосий жанги муддатидан олдин тўхтатилди
Ҳозиргина АҚШнинг Невада штати Лас-Вегас шаҳрида навбатдаги UFC турнири ўз якунига етди.
UFC on ESPN 72 турнирининг асосий жанги ўрта вазн тоифасида грузиялик Роман Долидзе ҳамда америкалик Энтони Эрнандес ўртасида ўтказилди. Жанг тўртинчи раундда тажрибали рефери Херб Дин томонидан тўхтатилди. Эрнандес рақибини бўғиб қўйди ва сабмишен эвазига ғалаба қозонди.
Бу америкалик аралаш яккакураш устаси учун фаолиятидаги 20-ғалаба бўлди. Ҳисобидаги мағлубиятлари сони 2 талигича қолди. Энтони 8 та ғалабали серия билан келмоқда. Долидзе эса бугун ММАдаги тўртинчи мағлубиятини қабул қилиб олди. Ҳисобида 15 та ғалаба бор.
Дарвоқе, кеча вазн ўлчаш маросимида Эрнандес белгиланган вазн меъёрини бажара олмаганди. Энди у 227 грамм ортиқча вазн учун ўз гонорарининг маълум бир қисмини Роман Долидзега беради.
Ссылка :
Источник : championat.com
Комментарии