21 сен 16:07
Новости
Бокс/ММА
UFC ўз тарихида илк бор тожикистонлик жангчи билан шартнома имзолади
Лас-Вегас шаҳрида бўлиб ўтган Dana Whiteʼs Contender Seriesʼнинг навбатдаги саралаш турнири якунларига кўра тожикистонлик 22 ёшли Нурулло Алиев ва яна бир қатор жангчилар UFC билан шартнома имзолади.
Жанг бошланганидан бир ярим дақиқа ўтгач, Алиев америкалик Жош Уикни партерга ўтказиб, октагон четига ўтиш орқали ўз позициясини яхшилади ва ҳакам Жейсон Херцог раунд тугашига 24 сония қолганида жангни тўхтатишга мажбур бўлди.
Ғалабадан сўнг Алиев UFC президентига келаси ҳафта октагонга қайтишга тайёрлигини айтди. Шунингдек, икки йилдан сўнг енгил вазн тоифасида чемпионлик камарини қўлга киритишга ваъда берди.
"Менинг сўзларимни эсда тутинг - икки йил ва енгил вазнда UFC чемпиони бўламан", - деди Алиев UFC раҳбари Дана Уайтга.
Нурулло Алиев UFCʼдаги юришини бошлайди ва унинг ҳисобида еттита ғалаба бор. Алиевдан ташқари, UFC Рауль Росас Жуниор, Бруно Феррейра, Остин Лэйн ва Жафел Фильо билан шартнома имзолаган.
Ссылка :
Источник : fighttime
Комментарии