15 ноя 12:39
Новости

Бокс/ММА

UFC Шара Буллетга рақиб берди, "қароқчи" ҳам бунга рози бўлди

Ўрта вазн тоифаси рейтингида 14-ўринга кўтарилиб олган Шарабутдин Магомедовнинг навбатдаги рақиби айтилди.

Россиялик "қароқчи" 2025 йилнинг 1 февраль куни Саудия Арабистони пойтахти Ар-Риёд шаҳрида ўтказиладиган UFC Fight Night 250 турнири доирасида Майкл Пейжга қарши октагонга кўтарилади. Британиялик аралаш яккакураш устаси рейтингнинг 15-поғонасидан жой олган.

Бу хабарни Шара Буллетнинг менежери Ризван Магомедов ҳам тасдиқлаган. Шарабутдин ҳам бу жангга розилик берган. Мағлубият нималигини билмай келаётган Шара ўтган ой UFC`даги тўртинчи ғалабасини тантана қилганди. У ўзининг собиқ спарринг-рақиби Армен Петросяндан устун келган эди.