16 ноя 11:20
Новости

Бокс/ММА

UFC Шавкат Раҳмоновга рақиб берди. Бу Камару Усман эмас!

Қозоғистонлик UFC жангчиси Шавкат Раҳмоновнинг навбатдаги жанги расман тасдиқланди.

Яримўрта вазн тоифасидаги "Номад" 8 декабрь куни ўтказиладиган UFC 310 турнирида ирландиялик Иэн Мачадо Гэррига қарши октагонга чиқади. Иккала жангчи ҳам ҳали фаолиятларида мағлубиятга учрамаган. Раҳмоновда 18, Гэррида 15 та ғалаба. Ҳатто дуранг ҳам йўқ.

Аслида Раҳмонов 8 декабрь кунги рақамланган UFC 310 турнирида вазн чемпиони Билол Муҳаммад билан жанг қилиши лозим эди. Лекин Билолнинг жароҳати сабаб Раҳмонов рақибсиз қолганди.

Маълумот учун, 29 ёшли қозоғистонлик Шавкат Раҳмонов сўнгги жангини ўтган йилнинг декабрь ойида америкалик Стивен Томпсонга қарши ўтказиб, ғолиб бўлган эди. Иэн Гэрри эса 30 июнь куни UFC 303 турнирида Майкл Пейжни очколар ҳисобига кўра таслим этганди.