13 сен 09:29
Новости

Бокс/ММА

UFC Хусейн Асхабовнинг жангини бекор қилди, у Таиландда босқинчилик устида қўлга олинди + ФОТО

Ярим енгил вазн тоифасида россиялик UFC жангчиси Хусейн Асхабовнинг 7 октябрь куни Даниэль Пинедага қарши кечиши керак бўлган жанги бекор қилинди.

Маълум бўлишича, бунга Хусейннинг Таиландда босқинчилик устида қўлга олингани сабаб бўлган. Бир қатор ОАВларнинг хабар беришича, Хусейн Асхабов ҳамда унинг укаси Таиландда Италия фуқаросининг уйига бостириб кириб, уни қийноққа солган.

"Биз Хусейн Асхабовнинг хибсга олингани ҳамда унга қўйилган айбловлардан хабардормиз. Воқеа ҳақида қўшимча маълумот тўплашда давом этамиз. UFC суд жараёни тугагунига қадар бу ҳақда баёнот беришни режалаштирмаяпти. Унинг 7 октябрь санасига белгиланган жанги бекор қилинди", - дейилади лига баёнотида.