28 окт 15:06
Новости

Бокс/ММА

UFC`дагилар Мераб Двалишвилининг навбатдаги рақибини айтишди

Ўта енгил вазн тоифасида UFC чемпиони Мераб Двалишвилининг кейинги рақиби ҳақида маълумот берилди.

Грузиялик промоушен чемпиони мағлубият нималигини билмай келаётган россиялик аралаш яккакураш устаси, рейтингнинг иккинчи поғонасидан жой олиб турган Умар Нурмагомедовга қарши октагонга чиқади. Бу ҳақда Абу-Дабида ўтган UFC 308 турниридан кейинги матбуот анжуманида Дана Уайт хабар берди.

"Ҳа, бу мутлақо тўғри маълумот!", - деди UFC раҳбари.

Аввалроқ, Двалишвили 2025 йилнинг февралидан олдин октагонга қайтмаслигини маълум қилганди. Нурмагомедов эса Рамазон ойигача жанг ўтказмоқчи эканини айтган эди. Бир неча кун олдин Умар Нурмагомедовнинг хитойлик Сонг Ядонгга қарши жанги бекор бўлганди.