25 фев 11:30
Новости

Бокс/ММА

UFC`нинг энг ёш жангчиси иштирокидаги бугунги баҳс ўтказилмади. Нега?

Хабар берганимиздек, бугун Мехико шаҳрида UFC Fight Night 237 турнири бўлиб ўтди.

Оқшомнинг асосий карди доирасида UFC тарихидаги энг ёш жангчи Рауль Росас америкалик Рики Турсиосга қарши октагонга чиқиши керак эди. Аммо жангдан бир неча соатгина олдин ушбу тўқнашув бекор қилинди.

Бунга Раулнинг бетоб бўлиб қолгани сабаб бўлди. Айнан қандай касалликка чалингани маълум эмас. Лекин ташкилотчилар бу жангни сақлаб қолишди. Энди америкаликлар 2 март куни ўтказиладиган UFC FightNight турнири доирасида юзма-юз келишади.