18 окт 11:53
Новости
Бокс/ММА
UFC'нинг яна бир таниқли собиқ аралаш яккакураш устаси ACA'да жанг қилади (ПОСТЕР)
Бирлашган Араб Амирликларининг Дубай шаҳри 23 октябрь куни ММА бўйича ACA 194 турнирига мезбонлик қилади.
Ташкилотчилар мусобақадан ўрин олган яна бир жангни эълон қилишди.
Унга кўра, жорий йилнинг март ойига қадар UFC'да фаолият олиб борган грузиялик Гурам Кутателадзе айнан ACA 194 турнирида мазкур Лигадаги дебют жангини ўтказади. Унга ўша куни бошқа бир собиқ UFC вакили, бразилиялик Виктор Хьюго рақиблик қилиши белгиланган. Жанг енгил вазн тоифасида ўтказилади.
33 яшар Гурам 2020-2025 йиллар оралиғида UFC'да 5 та жанг ўтказиб, 2 та ғалаба ва 3 та мағлубият қайд этган. Унинг ММАдаги рекорди 13-5 кўринишида. 32 ёшли Виктор Хьюго ҳисобида эса 31 та жангда қўлга киритилган 25 та ғалаба ва 6 та мағлубият бор.
Маълумот ўрнида, ACA 194 турнирида икки ўзбекистонлик ММА жангчиси — Саидёқуб Қаҳрамонов ва Холмурод Нурматов октагонга кўтарилади.
Ссылка :
Источник : aca-mma.com
Комментарии