Уимблдон. Арина Соболенко Эмма Радукануни таслим этди

Беларуслик теннис маликаси учинчи босқичда WTA рейтингида 40-ўринни эгаллаб турган британиялик Эмма Радукануни қийинчилик билан мағлубиятга учратди - 7/6(6), 6/4. Бу теннисчиларнинг ўзаро ўтказган иккинчи учрашуви бўлди - 2:0. 

Икки соату бир дақиқа давом этган баҳсда иккала теннис маликаси ҳам 4 тадан эйс зарбасини амалга оширган. Қўшхатолар Эммада кўпроқ бўлди - 3 га 1. Соболенко 4, Радукану 3 та брейкдан фойдаланган. Энди Арина Соболенко тўртинчи даврада бельгиялик Элизе Мертенсга қарши кортга чиқади.