14 июл 08:43
Новости

Теннис

Уимблдон чемпиони ва вице-чемпиони қанча мукофот пули ишлаб олди?

Хабар берганимиздек, Лондон шаҳрида теннис бўйича "Катта Дубулға" туркумига кирувчи Уимблдон турнирининг аёллар ўртасидаги ғолибаси аниқланди.

Ҳал қилувчи учрашувда WTA рейтингида 32-поғонани эгаллаб турган чехиялик Барбора Крейчикова дунёнинг еттинчи ракеткаси, италиялик Жасмине Паолинини 6:2, 2:6, 6:4 ҳисобида мағлубиятга учратган эди.

Бу Крейчикованинг фаолиятидаги саккизинчи, мавсумдаги биринчи соврини бўлди. Барбора 2021 йили "Катта Дубулға" туркумига кирувчи "Ролан Гаррос" турнирида ҳам чемпион бўлган эди.

У Лондондаги икки ҳафталик меҳнатидан 2000 рейтинг очкоси ҳамда 2 миллион 700 минг фунт стерлинг миқдорида мукофот пули ишлаб олди. Чехияликлик теннисчи эртага эълон қилинадиган янги рейтингда 10-ўринга кўтарилиб олади. Паолини эса 1300 очко ва 1 миллион 400 минг фунтга эга чиқди.