12 июл 10:20
Новости

Теннис

Уимблдон. Жасмине Паолини илк финалчи!

Дунёнинг еттинчи ракеткаси Жасмине Паолини теннис бўйича "Катта Дубулға" туркумига кирувчи Уимблдон турнирининг финалига йўл олди.

Италиялик теннис маликаси 1/2 финалда WTA рейтингида 37-ўринни эгаллаб турган хорватиялик Донна Векични қийинчилик билан мағлубиятга учратди - 2/6, 6/4, 7/6(10:8). Ғолиб тай-брекда аниқланди ва унда омад Жасминега кулиб боқди. Италиялик теннисчиларнинг ўзаро учрашувларида олдинда бормоқда - 3:1.

Икки соату 51 дақиқа давом этган баҳсда Паолини 5, Векич 7 та эйс зарбасини амалга оширган. Қўшхатолар Доннада кўп бўлди - 7 га 3. Брейклар бўйича устунлик ҳам мағлуб теннисчида бўлди - 4 га 3! Паолини ҳал қилувчи учинчи сетда икки бор ортда бора туриб (1/3 ва 3/4), брейклардан унумли фойдалана олди. У фаолиятида кетма-кет иккинчи бор "Катта Дубулға" турнири бош соврини учун кортга чиқади.