14 июл 15:25
Новости

Уимблдон. Микст баҳсларида ғолиблар маълум + ФОТО

Лондонда давом этаётган "Катта Дубулға" туркумига кирувчи Уимблдон турнирининг дастлабки ғолиблари маълум бўлди.

Микст, яъни аралаш жуфтлик турнирида хорватиялик Мате Павич ва украиналик Людмила Киченокдан иборат тандем бош соврин соҳибларига айланишди. Улар финал учрашувида бельгиялик Йоран Флиген ҳамда хитойлик И-Фань Сю жуфтлигини мағлуб этишди - 6/4, 6/7(9), 6/3.

Икки соату ўн дақиқа давом этган финал баҳсида Павич/Киченок жуфтлиги 9, Флиген/Сю ҳамкорлиги эса 5 та эйс зарбани амалга оширган.

Павич фаолиятида учинчи бор "Катта Дубулға" турнирларининг микст баҳсларида ғолибликни қўлга киритди. Киченок учун эса бу биринчи соврин бўлди. Улар Лондондаги муваффақиятли иштирок учун 128,000, Флиген ва Сю эса 64,000 фунт стерлинг мукофот пулига эга бўлишди.