02 июл 09:27
Новости

Теннис

Уимблдон турнири тарихида зарба тезлиги бўйича рекорд ўрнатилди

Жованни Мпетши-Перрикар ушбу янгиланган рекорд соҳибига айланди.

Дунёнинг 36-ракеткаси бўлиб турган франциялик теннисчи Жованни Мпетши-Перрикар америкалик Тэйлор Фрицга қарши кечган биринчи давра баҳсида 246 км/соат тезликда зарба ижро этиб, тўпни ўйинга киритди. Бу Уимблдон турнири тарихидаги рекорд кўрсаткич ҳисобланади.

Умуман олганда, теннис тарихидаги энг тезкор зарба - 263 км/соат бўлиб, 2012 йилда Сэмуэл Грот томонидан амалга оширилган. Лекин ATP бу рекордни тан олмаган, боиси Грот бу натижага "Челленжер" турнирида эришган. Бу тоифа турнирларидаги тезликни аниқловчи радарлар стандартларга жавоб бермайди. Теннис тарихидаги тан олинган энг юқори тезлик Жон Изнерга тегишли – 252 км/соат.