11 июл 07:21
Новости

Теннис

"Уимблдон"нинг аёллар ўртасидаги жуфтлик баҳсларида ғолибалар маълум

Икки ҳафта давомида Лондон шаҳри мезбонлигида ўтган теннис бўйича "Катта Дубулға" туркумига кирувчи "Уимблдон" турнири якунланди.

Мусобақанинг сўнгги куни аёллар ўртасидаги жуфтлик баҳсларида ҳам ғолиб ва совриндорлар номи маълум бўлди. Финалда чехияликлар Барбора Крейчикова ва Катержина Синякова жуфтлиги бельгиялик Элизе Мертенс ҳамда хитойлик Чжан Шуай ҳамкорлигини 6/2, 6/4 ҳисобида таслим этди.

Олтмиш саккиз дақиқа давом этган учрашувда Крейчикова/Синякова тандеми 1 та эйс зарбани амалга оширган. Рақибларда бу кўрсаткич нол ҳолатида бўлди. "Уимблдон"даги муваффақиятли иштирок Крейчикова ва Синяковага 540,000 фунт стерлингдан келтирди.