20 июл 13:02
Новости

Бокс/ММА

Украина Премьер-лигаси клуби Усик билан шартнома имзоламоқчи

Украина Премьер-лигасига кўтарилган "Полесье" жамоаси ўзининг ижтимоий тармоқдаги саҳифаларида сирли трансфер ҳақида хабар берди.

Клуб смайликлардан фойдаланиб, 191 смлик футболчи билан шартнома имзолашига шама қилди (Усикнинг бўйи ҳам 191 см). Шунингдек, хабарда мушук кўринишидаги табассум пайдо бўлди (Мушук - украиналик боксчининг лақаби).

Эслатиб ўтамиз, 2022 йилнинг қишида Усик "Полесье" клуби билан машғулот ўтказган. У Премьер-лигада ўйнайдиган бўлса, айнан ўша клуби либосини кийишини айтган эди.

Маълумот учун, Александр Усик 26 августь куни британиялик Даниэль Дюбуага қарши жанг қилади.