02 сен 22:15
Новости
Тхэквондо
Улуғбек Рашитов Париж Гран-Приси чемпионига айланди!
-68 кг вазн тоифасида терма жамоамиз аъзоси Улуғбек Рашитов Франция пойтахти Парижда старт олган Гран-При турнири ғолибига айланди.
Ҳамюртимиз ўз иштирокини 1/16 финал босқичида габонлик Амир Сиссе Муссага қарши жангдан бошлади. Илк жангни осонлик билан якунлаган Улуғбек нимчорак финалда чилилик Игнасио Моралесни, чорак финалда хитойлик Юшуаи Лиангни, ярим финалда эса хорватиялик Марко Голубични ортиқча қийинчиликсиз мусобақадан чиқариб юборди.
Бироз олдин якунланган финал беллашувида эса Рашитов бразилиялик Эдивал Понтесга ҳеч қандай имкон қолдирмади.
Аҳамиятлиси, Улуғбек ушбу натижаси орқали олтин медал билан биргаликда Париж-2024 Олимпиадаси йўлида 60 рейтинг очкосини ҳам қўлга киритди.
Ссылка :
Источник : t.me/uzbtaekwondowt
Комментарии