28 янв 12:28
Новости

Дзюдо

Умумжамоа ҳисобида кучли тўртликдамиз

Алмада шаҳрида ўтказилаётган Португалия Гран-присининг биринчи кунги баҳслари терма жамоамиз учун омадли келди.

-66 кг вазн тоифасида юртимиз шарафини ҳимоя қилган Муҳриддин Тиловов финалда вазн етакчиларидан бири Ан Баул (Жанубий Корея)ни мағлубиятга учратиб, олтин медални қўлга киритди. Бу эса Ўзбекистоннинг медаллар жамғариш бўйича умумжамоа ҳисобида кучли тўртликка кириб олишига хизмат қилди.

Биздан юқорида турган Жанубий Корея, Қозоғистон ва Буюк Британия терма жамоалари ҳисобида ҳам биттадан олтин медаль бор. Фақат кумуш ва бронза медаллари эвазига улар биздан юқорироқда жойлашишган. Бешинчи ўриндан жой олган Япония терма жамоаси ҳам 1 та олтин медалга эга бўлиб турибди.