31 дек 11:19
Новости

Теннис

United Cup. Свёнтек ва Гуркач Бразилияни "кўмишди"

Австралиянинг Перт шаҳрида теннис бўйича терма жамоалари иштирокидаги United Cup турнири давом этмоқда.

"А" гуруҳидан ўрин олган Польша ва Бразилия терма жамоалари ўртасидаги учрашувда европаликлар 3:0 ҳисобида зафар қучишди. Жуфликлар иштирокидаги сўнгги ўйинда Ига Свёнтек ва Хуберт Гуркач ҳамкорлиги Беатрис Хаддад Майя ҳамда Марсело Мело тандемини 6/4, 6/3 ҳисобларида мағлубиятга учратди.

Етмиш икки дақиқа давом этган баҳсда Свёнтек/Гуркач 6 та эйс зарбасини амалга ошириб, 3 та брейкка эришишди. Шу билан бирга қўшхатога йўл қўйишмади. Ушбу ғалаба польшаликларни гуруҳ етакчисига айлантирди.