16 июл 18:02
Новости

Дзюдо

"Универсал" спорт саройида парадзюдо бўйича мамлакат чемпионати бошланди (ФОТОГАЛЕРЕЯ)

Пойтахтимизда жойлашган "Универсал" спорт саройида заиф кўрувчи ва кўзи ожиз спортчилар ўртасида пара дзюдо бўйича Ўзбекистон чемпионати бошланди.

Унда Республикамизнинг турли худудларидан ташриф буюурган 120 нафар спортчи ғолиблик учун татамига чиқмоқда.

Иштирокчилар халқаро талаблар асосида J1 (кўзи ожиз) ва J2 (заиф кўрувчи) йўналишларида кураш олиб боришади. Мусобақага тажрибали ҳакамлар жалб этилган бўлиб, барча жараёнлар шаффоф, ҳалол ва адолатли тарзда ўтказилади.

Ушбу мамлакат чемпионатидан кўзланган асосий мақсад, пара дзюдо бўйича Ўзбекистон терма жамоасига муносиб номзодларни саралаб олиш ва келажакда бўладиган халқаро нуфузли спорт мусобақаларида юқори ўринларни эгаллашдан иборат.

Мусобақанинг тантанали очилиш маросимида Спортни ривожлантириш вазирлиги, Миллий паралимпия қўмитаси ҳамда кўплаб спорт федерациялар раҳбарияти иштирок этиши кўзда тутилган.