25 окт 14:22
Новости

Тхэквондо

"Универсал"да анъанавий таэквондо бўйича Ўзбекистон кубоги бошланди + ФОТОГАЛЕРЕЯ

Теги : Ўзбекистон кубоги Анъанавий таэквондо

Ҳар йили куз фаслида ташкил этиладиган мамлакат Кубоги баҳсларида юртимизнинг Қорақалпоғистон Республикаси, Тошкент шаҳри ва 9 та вилоятидан келган жами 400 нафарга яқин яккакурашчилар иштирок этмоқда.

Мусобақа низомига кўра, спортчилар тил ва масоги йўналишлари, шунингдек, жамоавий чиқишлар ҳамда махсус техника бўйича ҳакамлар назоратидан ўтишяпти.

Шу билан бирга АҚШдаги профессионал таэквондо федерацияси билан тузилган Меморандумга кўра, комбат таэквондо йўналиши бўйича ҳам 5 та вазн тоифасида илк бора ғолиблар номи аниқланади.

Сўнгги 3 йил ичида анъанавий таэквондо миллий терма жамоаси халқаро нуфузли мусобақаларда юқори натижаларга эришди. Жумладан, Нидерландияда ўтган Жаҳон чемпионатида 3 нафар спортчи Олег Ким, Асилбек Саидназаров ва Темур Муҳаммаджонов чемпионлик шоҳсупасига кўтарилган бўлса, яна икки нафари совриндор бўлди.

Спортчиларимиз Корея Республикаси мезбонлигида ўтган Жаҳон кубогида ҳам кучлилар қаторида эътироф этилди. Қозоғистон, Кипр давлатларида ташкил этилган Гран-При турнирларида вакилларимиз ўзларига билдирилган ишончни оқлашди.