30 авг 16:11
Новости

Теннис

US Open. 38 ёшли Новак Жокович 1/8 финалга чиқди

Нью-Йорк шаҳрида теннис бўйича "Катта Дубулға" туркумига кирувчи АҚШ Очиқ чемпионати давом этмоқда.

Дунёнинг еттинчи ракеткаси Новак Жокович 1/16 финалда ATP рейтингининг 35-поғонасида бораётган британиялик Кэмерон Норрини тўрт сет натижасига кўра мағлубиятга учратди - 6/4, 6/7(4), 6/2, 6/3.

Теннисчиларнинг ўзаро учрашувларидаги ҳисоб янада йириклашди - 7:0. Икки соату 49 дақиқа давом этган баҳсда Жокович 18, Норри 9 та эйс зарбасини амалга оширган. Қўшхатолар ва брейклар бўйича мос равишда 6 га 4 ва 5 га 1 кўринишида Новак фойдасига ҳал бўлди.

Новак Жокович фаолиятида 16-маротаба US Open турнирининг 1/8 финал босқичига етиб келди. Энди у чорак финал чиптаси учун германиялик Ян-Леннард Штруффга қарши кортга чиқади.