10 сен 07:23
Новости
Теннис
US Open. Амалдаги чемпионлар унвонларини сақлаб қолишди
Нью-Йорк шаҳрида ўтказилаётган теннис бўйича "Катта Дубулға" туркумига кирувчи АҚШ Очиқ чемпионати ўзининг ҳал қилувчи палласига кирди.
Мусобақанинг эркаклар ўртасидаги жуфтликлар баҳсида ғолиб ва совриндорлар нома маълум бўлди. Америкалик Ражив Рам ва британиялик Жо Сэлисбери ҳамкорлиги бу йил ҳам бош совринни қўлга киритди.
Улар ҳал қилувчи финал учрашувида нидерландиялик Уэсли Коольхоф ҳамда британиялик Нил Скупски жуфтлигини 7/6(4), 7/5 ҳисобида мағлуб этиб, ўз чемпионлик унвонларини муваффақиятли тарзда ҳимоя қилишди.
Икки дақиқаси кам икки соат давом этган US Open финалида Рам/Сэлисбери жуфтлиги 4, Коольхоф/Скупски ҳамкорлиги эса 2 та эйс зарбани амалга оширган. АҚШ Очиқ чемпионатидаги иштирок Рам ва Сэлисберига 2000 рейтингов очкоси ҳамда 688,000 доллар мукофот пули келтирди.
Ссылка :
Источник : gotennis
Комментарии