30 авг 12:00
Новости

Теннис

US Open. Арина Соболенконинг юриши бошланди

АҚШнинг Нью-Йорк шаҳри мезбонлик қилаётган "Катта Дубулға" туркумига кирувчи US Open турнирида иккинчи давра иштирокчилари аниқланмоқда.

Сайёрамизнинг иккинчи рақамли теннис маликаси Арина Соболенко мусобақадаги иштирокини ғалаба билан бошлаб олди. Беларуслик теннисчи 79 дақиқа давом этган баҳсда WTA рейтингида 112-поғонада бораётган бельгиялик Марина Заневскаяни ортиқча қийинчиликсиз мағлубиятга учратди - 6/3, 6/2.

Бу теннисчиларнинг ўзаро ўтказган илк учрашуви эди. Соболенко 9, Заневская 3 та эйс зарбасини амалга оширган. Қўшхатолар Аринада кўпроқ бўлди - 8 га 6. Беларуслик 6, бельгиялик теннисчи эса 3 та брейкка эришди. Соболенконинг US Open иккинчи даврасидаги рақибаси британиялик Жоди Анна Бёррэдж бўлади.