06 сен 15:17
Новости
Теннис
US Open. Карлос Алькараз беш сетда Марин Чилични мағлуб этди
US Open турнирининг эркаклар ўртасидаги баҳсларида 1/8 финал учрашувлари давом этмоқда.
Жаҳоннинг тўртинчи ракеткаси, 19 ёшли испаниялик теннисчи Карлос Алькараз АҚШ Очиқ чемпионатининг тўртинчи давра учрашувида ғалаба қозонди. Унинг рақиби АТР рейтингида 17-ўринни эгаллаб турган хорватиялик Марин Чилич бўлди. Учрашувда 6/4, 3/6, 6/4, 4/6, 6/3 ҳисобида зафар қучган Алькараз турнирнинг чорак финалига йўл олди. Ўйин 3 соату 56 дақиқа давом этди.
Учрашув давомида Алькараз учта эйс зарбасини амалга ошириб, тўрт бор қўш хатога йўл қўйди ва 6 та брейк қайд этди. Чилич эса 14 та эйс, 13 та қўш хато ва 5 та брейк қайд этди.
Энди турнирнинг чорак финалида Алькараз италиялик Янник Синнерга қарши баҳс олиб боради. Учрашув эртага, 7 сентябрь куни бўлиб ўтади.
Ссылка :
Источник : championat.com
Комментарии