20 мая 18:39
Новости

Бокс/ММА

USADA Конор Макгрегорни шошилмасликка чақирди

Америка антидопинг агентлиги (USADA) Конор Макгрегорнинг октагонга қайтиши ҳақидаги хабарига муносабат билдирди.

"Биз яқинда Конор Макгрегор билан тўғридан-тўғри мулоқотда бўлдик. У USADA қоидалари ва UFC антидопинг сиёсатига кўра олти ой давомида тест топшириши шарт бўлади. Бу қоидалар барча қайтаётган спортчилар қатори Конорга ҳам тааллуқли. Макгрегорнинг тест таҳлилларидан камида иккитаси ижобий натижа берган тақдирда унга жанг ўтказиш учун рухсат берилади", — дейилади USADA баёнотида.

Аввалроқ Конор Макгрегор USADA билан масалани ҳал қилгани ва йил охирида октагонга қайтиб, Майкл Чендлерга қарши жанг қилишини айтган эди.