03 мая 14:14
Новости

Бокс/ММА

Усик — Дюбуа реванши. 24 соат ичида чипталарнинг ярмидан кўпи сотиб бўлинди

Супероғир вазн тоифасида WBC, WBA ва WBO камарлари эгаси бўлган украиналик Александр Усик IBF камари соҳиби, британиялик Даниэль Дюбуа билан жанг қилади.

Мазкур реванш 19 июль куни Лондондаги "Уэмбли" стадионида ўтказилади.

Жанг расман эълон қилингач, чипталар сотувга чиқарилди ва катта қизиқишга сабаб бўлди. vRINGe нашри маълум қилишича, илк 24 соат ичида 60 мингта чипта сотилган.

Маълумот учун, "Уэмбли" расмий сиғими 90 минг томошабин бўлиб, зарурат туғилганда бу рақам яна бир неча мингга оширилиши мумкин.

Боксчилар ўртасидаги дастлабки жанг 2023 йилнинг августда Польшада бўлиб ўтган ва Усикнинг 9-раундда техник нокаутли ғалабаси билан якунланган эди.