18 авг 09:48
Новости

Бокс/ММА

Усикнинг менежери: "Фьюри ажойиб артист. Мен унга ишонмайман"

Украиналик боксчи Александр Усикнинг менежери Эгис Климас британиялик боксчи Тайсон Фьюрига ишонмаслигини таъкидлади.

Фьюри 12 август куни фаолиятини якунлагани ҳақида иккинчи бор маълум қилди. Бундан бироз олдин Тайсон Дерек Чисора билан жанг қилмоқчилигини айтган эди.

"Мен қачонки, WBC камари вакант бўлгани ҳақида расмий баёнотни кўрсам, ўшанда Фьюрининг кетишига ишонаман. Унга ишонмайман — Тайсон ажойиб артист. У жангларни яхши реклама қилади, шундай экан, у Усик - Жошуа жанги ғолибига қарши чиқиш учун қайтади, менимча", - деди Климас iFL TV нашрига берган интервюсида.

Эслатиб ўтамиз, Фьюри сўнгги бор 24 апрель куни, Диллиан Уайтга қарши жанг қилган эди.