Валентина Шевченко Петр Янга мурожаат қилди

Қирғизистонлик чемпионнинг айтишича, Яннинг Стерлингга қарши реванш жангидаги омадсизлигига эмоция, яъни ҳис-ҳаяжонга берилиш фактори сабаб бўлган. Агар у шу камчилигини бартараф этса, ҳали чемпионлик камарини қайтариб олиши мумкин.  

"Ўйлашимча, бир нечта омиллар Петрнинг мағлубиятига сабаб бўлган. Биринчи галда унинг бурчагида ўз секундатлари бўлмади. Иккинчидан, реванш жанги олдидан йиғилган ҳис-ҳаяжон. Тўғри, вазиятдан тўлиқ бохабар бўлмасдан туриб муносабат билдириш мушкул. Лекин менинг шахсий фикрим шундай. Менга Яннинг жанглари ёқади. У ҳамма учун қизиқ жангчи. Ишончим комил, у ҳади камарини қайтариб олади", – деди Шевченко.

Эслатиб ўтамиз, Валентина Шевченко навбатдаги ҳимоя жангини 11 июнь куни Сингапурдаги UFC 275 турнири доирасида бразилиялик Таила Сантосга қарши ўтказади. Петр Яннинг октагонга қайтиши эса куз ойларига мўлжалланмоқда.