06 мар 14:58
Новости

Велоспорт

Велопойгачилар баҳси қизғин ўтмоқда

Тошкент вилоятининг Бўстонлиқ туманида велоспортнинг шоссе йўналиши бўйича эркаклар, аёллар ва ёшлар ўртасида Ўзбекистонда хизмат кўрсатган мураббий В.Искандаров хотирасига бағишланган Республика очиқ турнири давом этмоқда.

Мазкур мусобақанинг эркаклар ўртасида 105 км. масофага ўтган гуруҳ пойгасида ҳамюртимиз Никита Светков маррага 2 соат 39 дақиқа, 15 сонияда кириб келган бўлса, ёшлар орасида ушбу масофага ўтган пойгада Кирилл Чжан (Қозоғистон) ғолиб бўлди.

Дарвоқе, Никита Светков 115 км. масофада ташкил этилган гуруҳ пойгаларида ҳам барча рақибларини ортда қолдириб, маррага биринчи бўлиб етиб келди.

Аёллар ва ёш қизлар тоифасидаги 61 кг. масофада ўтиши белгиланган гуруҳ пойгасида Фаина Потапова (Қозоғистон) ва Нозима Эгамбердиевага (Жиззах) тенг келадигани топилмади.