09 фев 21:58
Новости

Бокс/ММА

Вэйли Чжан Валентина Шевченко билан жанг қиладими? Дана Уайт жавоб берди

Аёллар ўртасида минимал (52 кг) ҳамда ўта енгил вазн (57 кг) тоифаларида амалдаги UFC камарлари соҳиблари ўзаро бирлаштирувчи чемпионлик жанги ўтказиши мумкинми?

UFC президенти Дана Уайт бу саволга жавоб берди.

— Айни пайтда аёллар ўртасида вазн тоифасидан қатъи назар ким энг кучли жангчи ҳисобланади — Вэйли Чжанми ёки Валентина Шевченко?

— Тўғриси, мен бундай саволларга жавоб беришни ёмон кўраман. Уларнинг ҳар иккисини ҳам яхши кўраман. Балки, биз шунчаки буни муҳокама қилиб кўрармиз. Бунинг имкони бор", — дея Уайтнинг сўзларини келтирмоқда Bloody Elbow портали.

Эслатиб ўтамиз, кеча тонгда Австралиянинг Сидней шаҳрида ўтган UFC 312 турнирида Чжан даъвогар Татьяна Суаресни очколар ҳисобига кўра мағлубиятга учратиб, ўз чемпионлик камарини муваффақиятли тарзда ҳимоя қилганди.