Виллиан Англия чемпионатига қайтишни хоҳламоқда

Бу ҳақда журналист Николо Скира хабар бермоқда. 34 ёшли бразилияликнинг агенти Киа Журабчиан футболчига қизиқиш билдираётган "Фулхэм" билан музокаралар олиб борди.

Виллиан 2013 йилнинг августидан 2020 йилнинг августига қадар "Челси"да ўйнаган ва шундан сўнг яна бир йил "Арсенал"да ҳаракат қилган, якунда "Коринтианс"га йўл олган эди.

Виллиан жорий мавсум "Коринтианс" сафида 36та ўйинда 1та гол ва 4та ассист қайд этди. Transfermarkt форвардни 5,5 млн еврога баҳоламоқда.