05 авг 10:13
Новости
Бокс/ММА
Виржил Ортис октябрь ойида рингга қайтишни режалаштиряпти, эҳтимолий рақиб ким бўлиши маълум
Проф бокснинг супер ярим ўрта вазн тоифасида WBC йўналиши бўйича вақтинчалик чемпион Виржил Ортис шу йилнинг октябрь ойида рингга қайтишни режалаштирмоқда.
Бу ҳақда спортчининг промоутери Оскар де ла Хойя маълум қилди.
"Виржил жароҳатидан фориғ бўлмоқда, ҳаммаси яхши кетяпти. Биз уни октябрь ойида рингга қайтариш учун ишлаяпмиз. Бу октябрь ойининг биринчи ёки иккинчи дам олиш кунларида содир бўлади. Агар унинг вазн тоифасидаги йигитларга қарасангиз, у боксда навбатдаги йирик юлдуз бўлишга мукаммал номзод. Бу ажойиб дивизион", дейди де ла Хойя.
Хорижий манбаларнинг хабар беришича, Виржилга кейинги жангида Кит Турман рақиб бўлиши эҳтимоли катта.
Ортис сўнгги жангини февраль ойида ҳамюртимиз Исроил Мадримовга қарши ўтказиб, очколар ҳисобига кўра ғалаба қозонган эди.
Ссылка :
Источник : boxingscene.com
Комментарии