20 июл 16:37
Новости

Бокс/ММА

Волкановски Оливейра билан ҳам, Махачев билан ҳам жанг қилишга тайёр

Ҳамма қатори Александр Волкановски ҳам Чарльз Оливейра — Ислам Махачев жангига муносабат билдирди.

"Менга катта жанглар керак! Чарльз Оливейра билан жанг катта томоша бўлиши аниқ. Унинг жанги катта аудиторияга эга, у рақибларига зарар етказади, қолаверса ўзини авайламайди. Бу эса мухлисларга ёқади, улар шундай жанглардан завқланишади.

Агар Ислам камарни ютса, у билан ҳам жанг қилишга тайёрман. Бу иккиси мен учун катта чақириқдир, шундай экан рақобат нуқтаи назаридан уларнинг қай бири билан жанг қилишим аҳамиятсиз", - деди Волкановски MMAFightingonSBN YouTube каналига берган интервюсида.

Эслатиб ўтамиз, Алекс Волкановски сўнгги бор 3 июль куни Макс Холлоуэйга қарши жанг қилган эди.

Аввалроқ, янги зеландиялик ММА устаси Оливейра — Махачев жанги ғолибига қарши чиқишини айтган эди.