16 мар 08:25
Новости
Бокс/ММА
WBA ташкилоти Отабек Холматовни мажбурий даъвогар деб расман эълон қилди
Отабек Холматов ярименгил вазнда WBA чемпионлик камари учун Маурисио Лара билан жанг қилади.
Ярименгил вазнда ўзбекистонлик чарм қўлқоп устаси Отабек Холматов (11-0) WBA ташкилоти томонидан мажбурий даъвогар сифатида расман эълон қилинди.
Ҳамюртимиз 5 март куни WBA Eliminator жангида британиялик Томас Патрик-Уордни мағлуб этган эди.
WBA ташкилоти ярименгил вазн чемпиони Маурисио Ларага иҳтиёрий ҳимоя жангини кимга қарши ўтказиши бўйича қарор қабул қилиши учун 18 апрелга қадар муддат белгилади. Агар Лара жамоасида бу муддат ичида силжиш бўлмаса, ташкилот Маурисио Лара ва Отабек Холматов ўртасидаги чемпионлик жангига буйруқ бериши айтилди.
Маълумот учун, Отабек Холматов сўнгги жангидаги ғалабасидан сўнг IBF рейтингига ҳам киритилган эди.
Айни дамда, ҳамюртимиз ўзи туғилиб ўсган Сирдарё вилоятида бўлиб турибди.
Ссылка :
Источник : t.me/BoxerTV
Комментарии