WBO Себастьян Фундоранинг навбатдаги рақибини эълон қилди

Унга кўра, биринчи ўрта вазн (69,9 кг.гача) тоифасида янги WBO чемпиони америкалик Себастьян Фундора (21-1-1, 13 KO) ўз камарини расмий даъвогар Теренс Кроуфорд (40-0, 31 KO)дан ҳимоя қилади. Мағлубият нималигини билмай келаётган америкалик боксчи вазн тоифасидан қатъий назар pound-for-pound рейтинги пешқадами ҳисобланади. 

"Вегасдаги жанг шунчаки ажойиб бўлди. Тим Цзю яна бир бор биринчи ўрта вазндаги энг яхши жангчилардан бири эканини исботлади. Тим ва Себастьян Фундорани WBO камари учун кечган даҳшатли жанг билан табриклайман. Келаси ҳафта WBO Фундора ва Теренс Кроуфорд ўртасидаги жанг музокараси учун буйруқ беради", — дея Валькарселнинг сўзларини келтиради World Boxing News.