20 янв 09:11
Новости
Водные виды спорта
World Aquatics россиялик Европа чемпиони Илья Сибирцевнинг Ўзбекистон сафига ўтганини тасдиқлади
Аввалроқ сузиш бўйича ўсмирлар ўртасида Европа чемпиони, асли россиялик Илья Сибирцевнинг спорт фуқаролигини ўзгартиргани ҳақида хабар берган эдик.
22 ёшли Сибирцев эндиликда Ўзбекистон терма жамоаси шарафини ҳимоя қилади.
Ушбу хабарга Россия сузиш федерацияси президенти Владимир Сальников қуйидагича муносабат билдирди:
"Сибирцевнинг бошқа терма жамоа сафига ўтиши жараёнида Россия сузиш федерацияси иштирок этмади".
World Aquatics эса Ильянинг мамлакатимиз терма жамоаси сафида мусобақаларда иштирок этиши мумкинлигини тасдиқлади:
"World Aquatics Илья Сибирцевнинг спорт фуқаролигини алмаштирганини тасдиқлайди. У 2023 йил 12 декабридан бошлаб, Ўзбекистон терма жамоаси сафида иштирок этиши мумкин".
Маълумот ўрнида, 2-18 февраль кунлари Қатарнинг Доха шаҳрида сув спорти бўйича Жаҳон чемпионати ўтказилади. Унда Илья Сибирцев Ўзбекистон сафидаги дебют мусобақасини ўтказади.
Ссылка :
Источник : olamsport.com
Комментарии