11 июл 14:41
Новости
Тхэквондо
"World Taekwondo Diamond Games": Мусобақани олтин медал билан бошладик!
Хабар берганимиздек, Корея Республикасининг Мужу шаҳрида таэквондо WТ бўйича G4 классификациясидаги "Muju Taekwondowon 2025 World Taekwondo Diamond Games" халқаро мусобақаси бошланди.
Мусобақанинг илк куни доирасида Ўзбекистон терма жамоаси аёллар ўртасида 110 кг вазн тоифасидаги жуфтлик баҳсларида медаллар учун баҳс олиб боради. Ушбу жуфтлик вазнида Озода Собиржонова ҳамда Мадина Шониёзова юртимиз шарафини ҳимоя қилади.
Вакилларимиз ярим финал босқичи доирасида Сингапур термасини 2:0 ҳисобида доғда қолдиришди. Финал жангида эса Озода ва Мадинага мезбон Корея Республикаси таеквондочилари рақиблик қилди. Аҳамиятлиси, бу сафарги баҳсда ҳам Собиржонова ҳамда Шониёзова жуфтлиги 2:0 ҳисобида ортиқча қийинчиликсиз ишончли ғалабага эришди ва олтин медалга эга чиқди.
Шундай қилиб, "World Taekwondo Diamond Games" турнирининг илк кунида аёллар ўртасидаги 110 кг вазн жуфтлигидаги баҳсларда иштирок этиб, олтин медални қўлга киритдик.
Ссылка :
Источник : t.me/uzbtaekwondowt
Комментарии