04 ноя 13:19
Новости

Теннис

WTA Finals. Аманда Анисимова ҳамюрти Мэддисон Кизни таслим этди

Дунёнинг тўртинчи ракеткаси Аманда Анисимова Ар-Риёдда давом этаётган WTA Якуний турнирининг гуруҳ босқич иккинчи тур учрашувини ўтказди.

Америкалик теннисчи WTA рейтингининг еттинчи поғонасида бораётган ватандоши Мэдисон Киз устидан иродали ғалабага эришди - 4/6, 6/3, 6/2. Бу ҳамюртларнинг ўзаро ўтказган илк учрашуви бўлди.

Бир юз бир дақиқа давом этган баҳсда Анисимова 2, Киз 5 та эйс зарбасини амалга оширди. Қўшхатолар Мэдисонда тўрт баробар кўп бўлди - 12 га 3. Кетма-кет икки учрашувда ютқазган Киз гуруҳдан чиқиш имкониятидан маҳрум бўлди.

Икки учрашувда ғалаба қозонган қозоғистонлик Елена Рибакина муддатидан аввал гуруҳ ғолиби сифатида 1/2 финалга йўл олди. Иккинчи йўлланма сўнгги турда Аманда Анисимова ва Ига Свёнтек баҳсида ҳал бўлади.