08 ноя 12:18
Новости

Теннис

WTA Finals. Арина Соболенко иккинчи финалчи!

Дунёнинг биринчи ракеткаси Арина Соболенко Ар-Риёдда ўтказилаётган Якуний WTA турнирининг финалига йўл олди.

Беларуслик теннис маликаси 1/2 финалда WTA рейтингида тўртинчи ўринда бораётган америкалик Аманда Анисимовани уч сет натижасига кўра мағлубиятга учратди - 6/3, 3/6, 6/3. Теннисчиларнинг ўзаро учрашувларида ҳамон Аманда олдинда бормоқда - 6:5.

Икки соату 23 дақиқа давом этган баҳсда Соболенко 12, Анисимова 7 та эйс зарбасини амалга оширди. Қўшхатолар 5 га 4 кўринишида Аманда, брейклар жса 5 га 3 нисбатида Арина фойдасига ҳал бўлди. Соболенко иккинчи бор WTA Finals ҳал қилувчи учрашувида ўйнайди. Илк бор 2022 йилда Каролин Гарсияга ютқазган. Арина Соболенко финалда қозоғистонлик Елена Рибакинага қарши кортга чиқади.