07 ноя 11:11
Новости

Бокс/ММА

Хабиб Доғистонда Ислам Махачев номидаги кўча пайдо бўлганига муносабат билдирди

Енгил вазнда собиқ UFC чемпиони Хабиб Нурмагомедов Доғистонда Ислам Махачев номидаги кўча пайдо бўлгани ҳақида ҳазил қилди.

Аввалроқ Ислам Махачев Доғистоннинг ўзи туғилиб ўсган Силди қишлоғида унинг номи билан аталадиган кўча пайдо бўлганини маълум қилганди. Унинг қўшимча қилишича, бу борадаги ғоя Хабибга тегишли.

"Агар шундай бўлса, қишлоқ сизнинг сармоянгизни кутмоқда", - деб ҳазил тариқасида ёзди Хабиб Нурмагомедов ижтимоий тармоқдаги саҳифасида.

Эслатиб ўтамиз, шу йилнинг май ойи ўрталарида UFC президенти Дана Уайт Махачев енгил вазн тоифасида UFC чемпионлик камарини бўшатиб, ярим ўрта дивизионга ўтганини маълум қилганди. 15 ноябрь куни россиялик аралаш яккакураш устаси ярим ўрта вазнда лига чемпиони Жек Делла Маддаленага қарши жанг қилади. Улар Нью-Йорк шаҳрида бўлиб ўтадиган UFC 322 турнирининг марказий жангида тўқнаш келишади.