Хабиб ва Махачевнинг UFC'даги кўрсаткичларини таққослаймиз. Ислам 5 сония тезроқ UFC чемпионлик жангига етиб келди ва рақибларини кўпроқ нокаут қилган

Кўпчилик Махачевни Нурмагомедовнинг асосий ҳимоячиси деб ҳисоблайди ва унинг фаолиятини ҳам россиялик биринчи UFC чемпионининг муваффақияти билан таққослаб кузатиб боради. Қуйида Хабиб ва Исломнинг чемпионлик сари йўллари, уларнинг ташкилотдаги илк жангидан бошланган фаолияти аниқ рақамларда солиштирилган.

Буни Хабиб ва Исламнинг чемпионлик жангларидаги умумий йўлдан бошлаймиз. Нурмагомедов ташкилотдаги дебютини 2012 йил 20 январда бошлаган ва 2018 йилнинг 7 апрелида, яъни 6 йилу 3 ойдан кейин камар учун жанг қилган. Махачевнинг муддати эса бироз узоқ бўлди: 2015 йил 23- майда дебют қилиб, 2022 йил 22 октябрда- 7 йилу 5 ойдан сўнг Ислaм чемпионлик жангига киришди.

Бу вақт ичида Хабиб 9 та жанг ўтказган бўлса (йилига ўртача 1,5 та жанг), Ислaм эса 12 (йилига 1,7), яъни Махачев тез-тез жангларга қатнашганлигини кўриш мумкин.

Шунингдек финиш-рейт Ислaмда юқори кўрсаткичда. Унинг муддатидан олдин қўлга киритган ғалабалари сони 7 та (58,3), Нурмагомедовда 4 та (44,4).

Қизиғи шундаки, Хабиб чемпионлик учун имконият бўлгунга қадар 3 та жангда устунликка эришганига қарамасдан, Махачев чемпионлик жангига 5 сония тезроқ етиб келди. Илк курашдан то камарни қўлга киритгунча Ислaм қафасда 110 дақиқа 7 сония, Нурмагамедов эса 110 дақиқа 12 сонияни босиб ўтди.

Хабиб ва Махачевнинг октагонда ўтказган вақти деярли бир хил бўлганлиги сабабли, уларни жанговар статистикада ҳам солиштирамиз.

Аниқ зарба бериш Хабибда 900 тадан 453 та, Махачевда 433 тадан 250 та. Бироқ ҳажм жиҳатдан олиб қаралса устунлик Нурмагомедов томонда, аниқлик эса Ислaм тарафда: 57,7 % га нисбатан 50,3 %.

Мана шу лаҳза Махачевга камроқ зарба ўтказиб юбориш имкониятини ҳам беради: 93 га 168.

Иккаласининг кураш услубига қарайдиган бўлсак, Хабиб 94 уринишдан 43 мартасида рақибларини тейкдаун қилган, Ислaмда бу кўрсаткич 44 тадан 25 тага тўғри келади. Рақамлардан келиб чиқиб қаралса, устунлик яна Нурмагомедов тарафда ( шунингдек, унинг UFC'да битта жангнинг ўзида 21 тейкдаун қилиш орқали рекорд ўрнатганини эслаш ҳам кифоя), аммо муваффақият кўрсаткичи Махачевда яхшироқ: 56,8 % га қарши 45,7 %.

Октагонда ўтказилган вақт бир хил бўлишига қарамасдан, Нурмагамедов 62 дақиқадан бироз кўпроқ вақт рақибларини партер ҳолатида ушлаб турган, Махачевда эса бу 57,5 дақиқани ташкил қилади.

Балки, бир нечта жанглардан кейин Хабиб ва Махачевнинг кўрсаткичларини яна бир бор солиштириш имкониятига эга бўлармиз, фақат бу сафаргиси чемпионлик қарама-қаршиликларидаги курашлар бўлишига умид қиламиз.