08 мар 16:34
Новости

Теннис

Халеп деярли икки йиллик танаффусдан сўнг қайтмоқда, унга wild card берилди

Майамида ўтказиладиган WTA 1000 тоифасига кирувчи турнир ташкилотчилари дунёнинг собиқ биринчи ракеткаси Симона Халепга имтиёзли йўлланма беришди.

Ушбу турнир 19-30 март кунлари АҚШнинг Майами шаҳрида бўлиб ўтади. Руминиялик теннис маликаси допинг сабаб дисквалификация қилинган ва 2022 йилнинг август ойидан бери мусобақаларда иштирок этмаётганди.

"Мамнуният билан икки ҳафтадан сўнг WTA-Турга қайтишимни эълон қиламан. Miami Open турнири ташкилотчилари менга асосий тўрда қатнашиш ҳуқуқини берувчи wild card чиптасини тақдим этишди. Бу онларни сабрсизлик билан кутяпман. Тез орада кўришгунча!", - дея ўзининг ижтимоий тармоқдаги саҳифасида хабар ёзиб қолдирган Халеп.