27 дек 07:22
Новости

Зимние виды спорта

Халқаро конькичилар иттифоқи россиялик спортчиларга Олимпиада саралашида иштирок этишга рухсат берди, фақат бир шарт эвазига

ISU (Халқаро конькичилар иттифоқи) россиялик спортчиларга нейтрал мақомда Олимпиада квалификациясида иштирок этишга рухсат берди.

Қарор ISU кенгашида қабул қилинган.

2025 йил 1-28 февраль кунлари оралиғида Россия фигурали учиш федерацияси ҳамда Россия конькида учиш иттифоқи фигурали учиш, конькида учиш ва шорт-трек бўйича ҳар бир дастурда бир нафардан спортчини тақдим этиши мумкин бўлади.

Эслатиб ўтиш жоиз, россиялик спортчилар 2022 йилдан буён фигурали учиш, шорт-трек ва конькида учиш бўйича халқаро мусобақалардан четлаштирилиб келинаётганди.

ISU расмий хабарига кўра, россиялик жами олти нафар фигурали учувчилар Олимпия ўйинлари саралашида иштирок этиш ҳуқуқига эга.

Конькида учиш спорт турида эса ҳар бир масофага биттадан, жами 12 нафар спортчи қатнашиши мумкин. Шорт-трекда олти кишига рухсат берилади.

Шу тариқа, жами 24 нафар россиялик спортчи 2026 йилги қишки Олимпиада ўйинлари саралашида иштирок этиши мумкин бўлади.

Маълумот ўрнида, фигурали учиш бўйича квалификацион турнир 2025 йилнинг 17-21 сентябрь кунлари Хитойнинг Пекин шаҳрида ўтказилади. Унда спорт жуфтлиги йўналишида Ўзбекистон терма жамоаси аъзолари Екатерина Гейниш ҳамда Дмитрий Чигирев ҳам иштирок этиши мумкин.