14 авг 10:38
Новости

Бокс/ММА

Хамзат Чимаев UFC тарихидаги беш буюк жангчини санаб берди

Якшанба тонгида чемпионлик камари учун октагонга чиқадиган Хамзат Чимаев Шимолий Америка промоушени тарихидаги беш буюк жангчи рейтингини тузиб чиқди.

Уларнинг бари мағлубиятга учрамаган аралаш яккакураш усталари ҳисобланади.

"Жанглари бўйича ҳам, рекордлари борасида ҳам улар юқорида узоқ вақт қолишган... Эҳтимол, Жон Жонс, Жорж Сен-Пьер, Хабиб Нурмагомедов, Би-Жей Пенн. Ҳозирги жангчилардан Ислам Махачев менинг бешталик рейтингимга киради. Ислам аллақачон ҳаммасини исботлади. Иккинчи дивизионни забт этиш учун келмоқда", - деди Чимаев UFC матбуот хизматига берган интервьюсида.

Маълумот учун, Хамзат Чимаев сўнгги жангини 26 октябрь куни Абу-Даби (БАА) шаҳрида бўлиб ўтган UFC 308 турнирида ўтказганди. Ўшанда унга ўрта вазн тоифасида собиқ UFC чемпиони австралиялик Роберт Уиттакер рақиблик қилган эди. Жанг биринчи раундда оғритиш усули билан Борзнинг ғалабаси билан якунланганди.