20 июл 06:05
Новости

Бокс/ММА

Хамзат Чимаевнинг навбатдаги жанги санаси ва рақиби маълум + ПОСТЕР

Швеция шарафини ҳимоя қилаётган Хамзат Чимаев UFC 279 турнирининг марказий жангида октагонга кўтарилади.

Яримўрта вазн (77 кг) тоифасида ўз жангларини ўтказиб келаётган Чимаев (11-0) америкалик тажрибали UFC жангчиси Нейт Диаз (23-13) билан тўқнаш келади. Ушбу супержанг 10 сентябрь куни АҚШнинг Лас-Вегас шаҳридаги T-Mobile аренада бўлиб ўтади.

Беш раунддан иборат баҳс UFC 279 турнирининг марказий жанги мақомида бўлади. Бу Нейт Диаз учун UFC билан шартномадаги сўнгги жанг бўлади.

Эслатиб ўтамиз, Чимаев охирги жангини апрель ойида UFC 273 турнири доирасида бразилиялик Гилберт Бёрнсга қарши ўтказиб, очколар ҳисобига кўра ғалаба қозонганди. Диаз эса 2021 йилнинг июнь ойида ўтказилган UFC 263 турнирида британиялик Леон Эдвардсга очколар бўйича ютқазган эди.