Хавьер Мендес: "Белал Хабибнинг йўлидан борди, лекин бунинг товонини қон билан тўлади"

Эндиликда яримўрта вазнда собиқ UFC чемпиони Белал Муҳаммад австралиялик даъвогар Жек Делла Маддаленага очколар ҳисоби билан ютқазиб қўйганди. 

"Ҳеч биримиз Белални фақат устунга таяниб ғалаба қозониши мумкин деб ўйламагандик. Шунинг учун у ҳеч биримиз ишонмаган ишни қилишни хоҳлади - мен шундай деб ўйлайман. Хато қилишим мумкин, лекин у онгли равишда шундай тактикани танлагандек туюлди. Уни чемпионликка олиб келган нарсадан фойдаланишни истамади.

Мен доим Хабибни кузатардим, чунки уни доим кучсиз зарбаси учун танқид қилишарди. Мен ҳамиша уни режа доирасида ушлаб туришга ҳаракат қилардим. У кўпинча ҳаммага тик турган ҳолда жанг қила олишини исботлашга уринарди ва ҳақиқатан ҳам, вақт ўтиши билан Хабиб буни жуда яхши ўрганиб олди. 

Лекин барибир бу менга ёқмасди, чунки мен уни энг яхши қиладиган нарсадан фойдаланишини хоҳлардим. Ва бу кўплаб жангчилар йўл қўядиган хато. Белал шу томондан хато қилди ва бунинг товони, яъни бадалини қони билан ювди", - деди Мендес.