14 июн 10:10
Новости

Теннис

Хертогенбос (ATP). Медведев 24 та эйс қурбони бўлди

Дунёнинг 11-ракеткаси Даниил Медведев Хертогенбос турниридаги иштирокини эрта якунлади.

Россиялик теннисчи 1/4 финалда ATP рейтингида 87-поғонада бораётган америкалик Райли Опелкага тай-брекларда имкониятни бой берди - 6/7(5), 6/7(5). Теннисчиларнинг ўзаро учрашувларида ҳамон Даниил олдинда бормоқда - 4:2.

Тўқсон саккиз дақиқа давом этган баҳсда Медведев 7, Опелка эса 24 та эйс зарбасини амалга оширган. Айнан эйс зарбалар океан орти вакилининг ғалабасини таъминлаган. Иккала теннисчи ҳам ўз геймларини ютқазишмади. Энди Райли финал чиптаси учун бельгиялик Зизу Бергсга қарши кортга чиқади.