16 окт 12:59
Новости
Хитой бош мураббийи: "Ўзбекистонга қарши ўйнаш биз учун фойда келтиради"
Хитой терма жамоаси бош мураббийи Александар Янкович иштирокида Ўзбекистонга қарши ўртоқлик ўйини олдидан матбуот анжумани ўтказилди.
"Қарийб бир ҳафтадан бери машғулот ўтказяпмиз. Охирги ўйинни таҳлил қилдик. Биз бундан ҳам кучлироқ бўлишни мақсад қилганмиз. Албатта, бўлажак учрашувда ғалаба қозонишга умид қиламиз.
Ҳеч бир жамоа фақат битта таркиб билан ўйнамайди, камида иккита асосий таркибни мувофиқлаштириш керак, шунда улар ҳам бир темпда ўйнай олади. Биз ҳам икки хил таркиб шакллантиряпмиз. Ўйинда уч марказий ҳимоячи ёки тўртта ҳимоячидан фойдаланиш вазиятга қараб амалга оширилади.
Ҳар бир жамоанинг ўзига хос хусусиятлари ва заиф томонлари бор. Айни пайтда Ўзбекистон сингари рақиб билан беллашиш биз учун жуда фойдали бўлади", — деди сербиялик мутахассис.
Эслатиб ўтамиз, Далянь шаҳрида ўтказиладиган Хитой ва Ўзбекистон ўртасидаги учрашув соат 16:35 да старт олади.
Ссылка :
Комментарии