09 ноя 10:42
Новости

Теннис

Хитойлик теннисчи WTA Finals бош соврини учун кортга чиқади

Саудия Арабистони пойтахти Ар-Риёд шаҳрида ўтказилаётган теннис бўйича йилнинг Якуний WTA турнири ўзининг ҳал қилувчи паллага кирди.

Мусобақада финалчилар аниқланди. Илк 1/2 финалда дунёнинг еттинчи ракеткаси бўлиб турган хитойлик Чжэн Циньвэнь WTA рейтингида 13-поғонада бораётган чехиялик Барбора Крейчиковани 6/3, 7/5 ҳисобида мағлубиятга учратиб, финалга йўл олди. Чин юрти вакиласи рейтингнинг Топ-5`талигида дебют қилади.

Чжэн теннисчиларнинг ўзаро иккинчи учрашувида ҳам зафар қучди. Роппа-роса 100 дақиқа давом этган баҳсда Чжэн 9, Крейчикова 1 та эйс зарбасиини амалга оширган. Иккала теннис маликаси ҳам 4 тадан қўшхатога йўл қўйди. Брейклар бўйича устунлик табиийки, ғолиба томонида бўлди - 4 га 2!