14 июн 09:28
Новости

Бокс/ММА

Хоакин Бакли ўз вазнидаги топ UFC жангчиларини яхшисидан ёмонига томон ўринларга қўйиб чиқди

Яримўрта вазн тоифаси рейтингида еттинчи ўринни эгаллаб турган Хоакин Бакли ўз дивизионининг етакчи жангчилари рўйхатини тузди.

Америкалик аралаш яккакураш устаси 77 килограммгача вазнда биринчи ўринга Иан Гаррини қўйган.

"Биринчи ўринга Иан Гаррини қўйган бўлардим. У жуда ҳам ақлли жангчи. Унинг жанг қилиш услуби фақат ҳаракатга йўналтирилган. Уни доимий равишда қувиб юриш керак. Бу ҳолат уни яна ҳам хавфли қилади. Иккинчи ўринга Шавкат Раҳмоновни қўяман. Жек Делла Маддалена учинчи, унинг кетидан Шон Брэди.

Нега Шонни рўйхатда охирги ўринга қўйдим? Чунки, уни мушти юмшоқ йигитча нокаутга учратган. Шунинг ўзи кўп нарсани айтмоқда. Кўпчилик унинг устидан кулмаслигимни айтади. Лекин мен ҳақиқатни айтишга одатланганман. У яхши жангчидир, лекин мен учун — бу тўртликдаги энг ожизи", — дея интервью берган Бакли.